Отандық шоу -бизнесте жұлдыздар саны күн санап артып келеді. Өздерін ұмыттырмау үшін жұлдыздар ән салып қана қоймай, “пиар” да жасап тұру керек. Бірақ, қара пиар ма, ақ па – ол жұлдыздардың өз еншісінде.
Өзіне “пиарды” жиі жасайтын әнші Сиви Махмуди кейде сол пиардың пайдасынан гөрі, зияны мол тиетінін мәлімдеді.
Бұл туралы әнші НТК арнасының “Ревю” бағдарламасына берген сұхбатында айтты.
Өзінің ғана құпиясын емес, әріптестерінің де құпиясын да ашып қойды.
Еске салсақ, көктемде Ернар Айдар жол апатына ұшыраған еді. Бірақ, пиар жасаймыз деп жүріп, қазылған орға қалайша өзі түскенін білмей де қалған.
«Өйткені оның алдында ағасы айтып жүрген, «Бір пиар ойластыру керек еді, аварияға түсті деп айтамыз ба?» – деген сияқты әңгімелер болған. Сондықтан пиар деп ойлағам. Негізі жақсы нәрсе айту керек дейді ғой. Сол сияқты пиар қыламыз деп шынайыға айналып кетті”, – дейді Сиви Махмуди.