Синоптиктер 6-8 қаңтар күндеріне арналған ауа райы болжамын жария етті.
Қазгидрометтің хабарлауынша, алдағы демалыс күндері Қазақстанның көптеген өңірінде Сібір антициклонына байланысты суық әрі жауын-шашынсыз ауа-райы сақталады.
“Ауа температурасы климаттық қалыптан 3…5 градусқа дейін төмендейді, ал республиканың шығысында әдеттегіден 7…13 градус төмен болады. Дегенмен жылы және дымқыл атлантикалық ауа күші біртіндеп батысқа, дүйсенбіге қарай, Қазақстанның солтүстік, орталық және оңтүстік өңірлеріне бірте-бірте келіп, температураның жоғарылауымен қатар жауын-шашын алып келеді”, – делінеді Қазгидрометтің хабарламасында.