17 жасар бейбақ ойымнан кетер емес. 1-ші сәуірде тұрмысқа шығып, 11 сәуірде есінде жимастан ауруханада көз жұмды. Сондағы күнәсі – намазды дұрыс оқымадың деп күйеуінен өліп таяқ жеген…Сөзім жоқ.
Енді намазхан байына “адам денесіне қасақана ауыр жарақат тигізді” деген бап бойынша тергеу амалдары басталды. Бұл жерде жарақаттан бөлек, жігіттің діни ағымына қатысты іс те қозғалуы керек. 17 жаста қызын берген ата-анада да шикілік бар сияқты. Қызды алып қашқан көрінеді. Артық айтсам кешірерсіз, жігіт намаз оқымаса қазір жас жұбайлар бал айын өткізіп, отбасылық өмірдің рахатын бастан кешер еді…Бұрын сіңілілер намаз оқитын жігітке тисе қуанушы ек, енді қорқатын күйге жеттік.
Гүлмира Әбіқай
facebook.com парақшасынан