Сингапурда тарихта алғаш рет АҚШ президенті Дональд Трамп пен Солтүстік Корея көшбасшысы Ким Чен Ын кездесті. Шара екі мемлекет басшыларының қол алысуымен басталды.
Бұл туралы Қазақпарат хабарлады.
Іс-шара Сентоза курорттық аралындағы бес жұлдызды Capella қонақүйінде өтіп жатыр.
Енді олар кеңейтілген құрамдағы келіссөздерге қатысатын болады.
Дональд Трамп пен Ким Чен Ын Сингапурға жексенбі күні кешкісін ұшып келді және елдің премьер-министрімен кезекпен кездесті.
ВВС-дің мәліметінше, саммиттің басты тақырыбы КХДР-ді ядролық қарусыздандыру болмақ. АҚШ КХДР-дің ядролық қарудан бас тартып, оқтұмсықтарды үшінші тарапқа беру процесін бастағанын қалайды.
Пхеньян оның орнына не талап ететіні белгісіз. ЦТАК Корея ақпарат агенттігі кездесу алдында хабарлағандай, «жаңа дәуір талаптарына сай АҚШ пен КХДР арасында жаңа қарым-қатынастарды орнату» жоспарланып отыр.