СІМ: Египетте хабарсыз кеткен қазақстандықтарды полиция ұстаған
Египетте хабарсыз кеткен алты қазақстандықты жергілікті құқық қорғау органдары ұстап әкеткен. Бұл туралы Сыртқы істер министрлігі хабарлады.
“Алты қазақстандық қазір Египет территориясында. Олардың өмірі мен денсаулығына еш қауіп жоқ. Қазақстанның Египеттегі елшілігі олардың ұсталу себебін анықтап жатыр. Жақын уақытта елші Египет ішкі істер вице-министрімен кездеседі” деді сыртқы істер министрлігінің баспасөз хатшысы Әнуар Жайнақов.
Осыған дейін Жайнақов журналистерге студенттер радикалды ислам идеологиясын ұстанбайды деп жауап берген.
Египетте бірге пәтер жалдап тұрып жатқан қазақстандықтар 20 шілдеден бері байланысқа шықпаған. Олар бұл елге араб тілін оқуға кеткен. Хабарсыз кеткендердің екеуі Қанат Берік пен Еламан Жазылхан Алматыдағы Абылайхан атындағы шет тілдер және халықаралық қатынастар университетінде магистратурада оқыған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз