18+
Нұр-Сұлтан
Қазір
4
Ертең
19
USD
386.7
0.00
EUR
427.15
0.00
RUB
6.06
0.00

СІМ АҚШ-тың сұранысымен ұсталған екі қазақстандық туралы пікір білдірді

Сыртқы істер министрлігінің кезекті брифингінде ведомство баспасөз қызметінің өкілі Айбек Смадияров АҚШ сұранысымен ұсталған қазақстандықтар туралы пікір білдірді.

«Бұған дейін хабарлағанымыздай, Қазақстанның екі азаматы, Америка Құрама Штаттарының сұранысымен, біреуі Эстонияда, біреуі Малайзияда қамауға алынған. Қазіргі таңда олар экстрадицияға дайындалып жатыр. Өйткені тергеу жұмыстары АҚШ территориясында болады», — деді Айбек Смадияров.

Нью-Йорк прокуратурасының сұранысымен, Қазақстан азаматтары Овсянников пен Тимченко 2018 жылдың қазанында ұсталды. Оларға және Ресей Федерациясының 6 азаматына 36 миллион доллар көлемінде кибералаяқтық жасалды деген айып тағылып отыр.

Америкалық прокуратураның хабарлауынша, Қазақстан азаматтары мен ресейліктер бірнеше жыл бойы интернет-боттар, жалған парақшалар, сонымен қатар тапсырыс берушілерге жарнамаларын көп қаралым жасап береміз деп вирустық бағдарламалық қамтамасыз етіп отырған.