«Шымкенттіктер» Шымкентіне неге қайтпай жүр? Шымкент әкімі әңгіме айтып тастады

Шымкент қаласының әкімі Ғабидолла Әбдірахымов жастармен кездесіп, қазір Астана мен Алматыда толып жүрген шымкенттіктер туралы біраз әңгіме айтып тастапты. КаzINFO Today сайтының хабарлауынша, әкім былай деген:

«Қазір шымкенттен шыққан көптеген талантты жастар Астана мен Алматыда жұмыс істеп жүр. Оларға материалдық көмек беріп, Шымкентке неге қайтармайсыз деген сұрақтар маған жиі қойылады. Әрине, мен олардың Шымкентке қайтып келуіне қарсы емеспін, бірақ екінші жағынан,

солар Шымкентке қайтып келмей-ақ қойса екен деймін. Өйткені олар бұл жерде «провинциал» болып кетеді.

Шымкентте жүрген жастар Шымкенттен әріге аса алмай қалады.

Шымкенттіктерді Шымкенттен шығармай қою – талантты жастарды қорлау деп санаймын.

Адам деген өсуі керек. Ол үшін Астана, не Алматыға кету керек. Жергілікті жастар Астанаға кетемін десе, мен қуанамын. Тіпті Астанаға сыймай жатса, онда барып Лондонды, Нью-Йоркті, Голливудты бағындырсын. Мысалы, Атырауда туып-өскен атақты режиссер Тимур Бекмамбетов сөйтті ғой», – деді Ғабидолла Әбдірахымов.