Шымкенттік азамат бетін қайтарған көршісін пышақтап өлтірген
Шымкентте Сарыағаш ауданына қарасты Ошақты ауылының 27 жастағы тұрғынына қатысты сот үкімі шықты. Тергеу барысында Марат.М өткен жылдың қыркүйегінде өзінің көршісімен арада болған келіспеушілік нәтижесінде оған 20 пышақ жарақатын келтіргені анықталды деп хабарлайды NUR.KZ.
27 жастағы жігіт қылмысын жасырып қалу мақсатында көршісі тұратын үйді өртеп жіберген. Оның үстіне, жігіттің көрші қызға деген сезімі болған көрінеді. Алайда, жігітті менсінбеген бойжеткен, оның бетін қайтарып салады.
Сот Марат.М-ді қасақана адам өлтіргені мен үйді өртегені үшін кінәлі деп тауып, оған 11 жылға бас бостандығынан айыру үкімін шығарды. Сот үкімі әлі заңды күшіне енген жоқ.
Сотталушының қорғаушылары оның кінәсі Марат.М-нің мойындауы негізінде ғана дәлелденгенін айтады. Олардың ойынша, сотталушы тәртіп сақшылары тарапынан қысым көргендіктен кінәсін мойындаса керек.
Оны тіпті медициналық экспертиза да растап отырған көрінеді. Ол құжатта Марат.М-нің үстіндегі жарақаттардың қамауда болған кезінде келтірілгені расталған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе