Шымкентте бала зорлады деген күдікті екі айға уақытша тергеу абақтысына қамалды.
Бұл туралы Еңбекші аудандық сотының үйлестіруші судьясы Данияр Мадемаров мәлімдеді, деп хабарлайды ҚазАқпарат.
Судьяның сөзінше, 1985 жылы туған күдіктіні қамауға алу туралы санкция берілген.
«Күдіктінің үстінен Қылмыстық Кодекстің 121-бабы 4-бөлігімен (“Сексуалдық сипаттағы зорлық-зомбылық әрекеттері”) іс қозғалды. Оны екі айға қамауға алу туралы санкция берілді. Сот жабық өтті»,- дейді Данияр Мадемаров.
Қазіргі таңда әлеуметтік желілерге тараған бейнетүсірілім бойынша сараптама тағайындалып, сотқа дейінгі тергеу амалдары жүргізілуде.