Шымкентте аспалы арқанжол салу жобасы қолға алынды
Шымкент қаласында жолаушылар қозғалысын жеңілдету мақсатында аспалы арқанжол салу жоспарланып отыр. Бұл туралы қала әкімі Ғабит Сыздықбеков пен «Universal Ropeways» компаниясының өкілдері арасындағы кездесуде айтылды.
Жиын барысында арқанжол желісінің алдын ала бағыттары, техникалық мүмкіндіктері, құрылыс пен жобалау кезеңдері талқыланды. Жоба аясында Республика, Тәуке хан, Қонаев, Бәйдібек би және Абылай хан даңғылдары мен Цитадель аумағы, сондай-ақ «Тұран» және «Шымкент сити» шағын аудандары өзара қосылмақ.
Әкімдік мәліметінше, арқанжол іске қосылған жағдайда, қала көшелеріндегі көлік жүктемесі азайып, тұрғындар мен туристер үшін ыңғайлы әрі тартымды көлік жүйесі қалыптасады.
Ғабит Сыздықбеков инвестициялық жобаларды қолдауға дайын екенін білдіріп, құрылыс барысында және кейінгі кезеңде жаңа жұмыс орындары ашылатынын атап өтті.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз