Шымкентте 22 жастағы ана үшем босанды

Шымкент қалалық №2 ауруханасына қарасты перзентханада үшем дүниеге келді. Бұл – 2025 жылы қалада үшем босанған бірінші ана.

«Шымкенттің 22 жастағы тұрғыны Жәмилә 2 ұл, 1 қызды дүниеге әкелді. Нәрестелердің салмағы 2770, 2410 және 2095 грамм болды. Батыр анаға дәрігерлер кесарь тілігі арқылы ота жасап, босандырып алған. Балалар мерзімінен бұрын туса да, денсаулығы жақсы», – деп хабарлайды Шымкент қаласының Денсаулық сақтау басқармасы.

Екі ұл, бір қыздың анасы атанған Жәмиләні жақындары перзентханадан шығарып алды. Нәрестелердің салмағы 2770, 2410 және 2095 грамм болды. Қазіргі таңда мерзімінен бұрын туған сәбилердің жағдайы бірқалыпты. Бұл – шымкенттік батыр ананың тұңғыш сәбилері.