Шығыс Қазақстандағы Көкпекті ауданында қазақтың баһадүр батыры Уақ Бармақтың еңселі ескерткіш тақтасы ашылды.
Жаужүрек азамат 18-ғасырда жоңғар басқыншыларына қарсы күресте ерен ерлігімен көзге түскен деп хабарлады „Хабар-24„ телеарнасы.
«Рухани жаңғыру» бағдарламасы аясында өткен ауқымды шараның ұйымдастырылуына Бармақ батырдың 8-ұрпағы Қуандық Нұршин мұрындық болды.
Қуандық Нұршин, Бармақ батырдың ұрпағы:
– Бармақ батыр бабамыз осы жерді қорғап келіп, қаза болғанына 260 жыл болып тұр. Халық болмаса, Бармақ батырдың есімі ұмытылып кетер ме еді. Сондықтан алғысымыз ұшан-теңіз.