Шоу-бизнес жұлдыздары халықтың көңілінен шығатын жол іздеп жүр

2 наурыз 2020, 17:41

375

Ерген Айтымбетов пікірінше, соңғы уақытта әндердің сапасы мен мәні өзгеріп кеткен. «Хит шығару үшін «Қайдасың, жоқсың» деген арзан сөздерді қайталай берсең жеткілікті. Шынымды айтсам, бізді осыдан бес жыл бұрын шыққан «Қарақат қара көзің» әні асырап келеді», — деп жауап берді әнші Shownews.kz бағдарламасына берген сұхбатында.

Әлеуметтік желіден алынған сурет

Меруерт Түсіпбаева да шоу-бизнесте өзгерістер болып жатқанын байқағанын жеткізді. Қазір әр әнші хит жазам деген үмітпен өмір сүреді.

«Біз қандай әнді орындайтынымызды білмей қалдық. Танымал әншілер болсын, жастар, кәрісі болсын… барлығы хит болатын ән іздеуде. Қазір не болып жатқанын білмеймін, тыңдармандардың талғамы өзгерді ме, композиторлар жоқ па? Түсініксіз. Мен 95 жылы «Қимай сені барамын» әнімен шыққанда, қай әнді орындасам да хит болатын», — деген пікір білдірді әнші.