ШҚО-ның жас сақшылары Президенттің жолдауын талқылады
Мемлекет басшысы 2019 жылды – жастар жылы болуды ұсынды. Осыған орай Шығыс Қазақстан облысы Ішкі істер департаментінде аумақтың ішкі істер органдары қалалық және аудандық бөліністерінен облыс орталығына келген жас қызметкерлерінің қатысуымен слет өткізілді.
Бұл туралы ШҚО ІІД баспасөз қызметі хабарлады.
Қазіргі таңда ШҚО ІІД-де 400-ден астам жас маман қызмет атқарады, оларға көп жыл еңбектенген тәжірибелі мамандар бекітілген. Кәсіби дайындықтарын жоғары деңгейде көрсеткен үздік жас сақшылар мен олардың тәлімгерлерін ШҚО ІІД-де жинап, басшылар құқығымен марапаттады.
Алғашқы марапаттауларымен ШҚО бойынша ішкі істер органдары және Ұлттық ұлан ардагерлер кеңесінің төрағасы Нұрлыбек Үдербаев құттықтап, өз тілегін айтты.
Тәртіп сақшылары да өз пікірлерімен бөлісіп, Мемлекет басшысы ішкі істер органдарына қатысты реформалар өткізілетіні туралы нақты белгілегені екендігін айтты. Елбасы полиция «сервистік» модельге көшу керектігіне де ерекше назар аударды. Тәртіп сақшылары қызметіне баға беру критерийлері өзгеріп, қоғам тарапынан түсетін маңызды сұрауларына қарай жаңа жұмыс стандарттары енгізу туралы айтылды.
– Біздің жас қызметкерлерімізге үлкен үміт артамыз. Олар қызметке келер алдында қатаң сынақтан өтті. Тәлімгерлерін де қызметте талпынып, жұмыс істеу нәтижелеріне жоғары баға берді және алғашқы жұмыс күндерінен бастап өздерін жақсы жағынан көрсетті. Құқық қорғау органдарының болашақ жастарына біз нық сезіммен қараймыз, – деді ШҚО ІІД Кадр жұмысы басқармасы бастығының міндетін атқарушысы Нұржан Дәдетов.
Слет соңында жас сақшылары ШҚО ІІД мұражайында шығысқазақстандық полициясының қалыптасу тарихымен танысып қана қоймай, Өскемен қаласының Жедел басқару орталығында полицияның жұмыс тәсілдерімен танысты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе