Мониторингтің нәтижесінде, мемлекеттік қызметкерлердің әлеуметтік желідегі парақшаларынан мемлекеттік қызметтің беделіне нұқсан келтіретін 309 сурет анықталды. Ақырында 51 шенеунік тәртіптік жауапкершілікке тартылды.
Бұл туралы Stan.kz хабарлады.
Тексеріс барысында ШҚО шенеуніктерінің бос уақытта асыр салып көңіл көтеретіндерін анықталды. Бұған желіде тарап кеткен суреттер дәлел.
Ал аудандық білім бөлімінің қызметкері желідегі парақшасында шетел валютасындағы қомақты қаржысымен мақтанған.
«Мемлекеттік қызметкерлер арасында бұдан өзге де дүниелермен «мақтанғандар» көп. Олар шетелге сапары барысында, қымбат автокөлік пен интерьер жанында түскен суреттерін елге көрсеткен», – деп түсіндірді Жанболат Бейбітұлы.
Мониторинг қорытындысы бойынша, кінәлі деп танылғандар тәртіптік жауапкершілікке тартылған.