Шетелде кісі ұрлаған күдікті Қазақстанда ұсталды
Қырғызстан Республикасында адам ұрлау және қарақшылық қылмыс жасағаны үшін халықаралық іздеуде жүрген 29 жастағы күдікті Ақмола облысында қолға түсті.
Бұл туралы облыстық ІІД баспасөз қызметіне сілтеме жасап, ҚазАқпарат хабарлады.
Күдікті Степногорск қаласындағы көшелердің бірінде кетіп бара жатқан кезінде тәртіп сақшылары тоқтатқан. Құжаттарын тексеру кезінде күдіктінің 29 жастағы қазақстандық және оның Қырғызстан Республикасының ІІМ-мен ҚР ҚК 168 бабының 2-бөлімі (қарақшылық) және 123 бабының 2-бөлімі (адам тонау) бойынша 2014 жылдың ақпан айынан бері халықаралық іздеуде жүргені анықталды.
«Қазіргі кезде, күдікті ұсталып, куәгерлерден түсініктеме алынды. Тергеу амалдары одан әрі жалғасуда, іс материалдары қырғызстандық әріптестерге жолданды», деп түсіндірді ІІД баспасөз қызметі.
Жалпы, жыл басынан бері облыс аумағында 75 қылмыскер қолға түсті. Оның 16-на халықаралық іздеу жарияланған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз