Кот-д’Ивуаралық 21 жасар Летиция Кью қиялының ұшқырлығымен танымал болды: өз шашынан көзілдірік жасапты, деп жазады ҚазАқпарат.
Оның Instagram-дағы парақшасына 15 мыңнан астам адам тіркелген және олардың қатары күннен-күнге артып келеді. Летиция өзінің шаштары мен түрлі құралдар – мата, жүн, гүл және сымдарды пайдалана отырып ерекше шаш үлгілерін жасайды.
«Мен осынша адамның менің шығармашылығымнан әсер алатынына қуаныштымын. Бұл мені шабыттандырады және алдағы уақытта да олардың көңілдерінен шығуға тырысамын», – дейді Летиция.