19-қарашада еліміздің оңтүстік бөлігінде және батыста тұрақсыз ауа-райы сақталады.
Оңтүстіктің кей жерлерінде қатты жауын-шашын жауады, жел күшейіп қар бұрқасындатып, көктайғақ болады. Көптеген облыстарда тұман күтіледі, деп хабарлайды Қазгидромет.
Атырау, Маңғыстау облыстарының кей жерлерінде тұман, көктайғақ күтіледі. Павлодар, Қарағанды, Шығыс Қазақстан облыстарының кей жерлерінде тұман болады.
Алматы облысының кей жерлерінде тұман күтіліп, жел 17-22 м/с күшейеді. Қызылорда облысының кей жерлерінде қар жауады, қатты жел тұрады, жолдарда көктайғақ болады.
Күндіз Қостанай, Ақтөбе облыстарының кей жерлерінде қатты жел тұрады, Қостанай облысының кей жерлерінде тұман күтіледі.
Түнде Ақмола, Солтүстік Қазақстан, Павлодар, Қостанай, Шығыс Қазақстан, Қарағанды облыстарының кей жерлерінде қатты аяз күтіледі.