Семейде жүк көлігі қағып кеткен оқушы қыздың бірі қайтыс болды
Семей қаласында жол-көлік оқиғасынан зардап шеккен оқушы қыздың бірі қайтыс болды. Ал екіншісі ауыр халде жатыр, деп хабарлайды Baq.kz ақпарат агенттігі Аltaynews.kz порталына сілтеме жасап.
Кеше Семейде сағат шамамен 14.00-де Қаржаубайұлы көшесінде жол-көлік оқиғасы тіркелген. 12 жастағы екі оқушы қыз өздері оқитын мектептің жанындағы реттелмейтін жаяу жүргіншілер жолағынан өтіп бара жатқан. Сол уақытта КамАЗ жүк көлігінде отырған 1969 жылғы жүргізуші оларды қағып кеткен. Екі оқушы да ауыр жағдайда Семей медициналық мемлекеттік университетінің оқу госпиталіне жеткізілді.
Аталған оқиға бойынша ҚР Қылмыстық кодекстің 345-бабы 2-тармағы бойынша қылмыстық іс қозғалды. Тиісті экспертизалар дайындалып, тергеу амалдары жүргізілуде.
Соңғы мәліметтерге сәйкес, ауруханаға жеткізілген екі оқушының бірі қайтыс болған. Бұл ақпаратты Семей қаласындағы ЖДТ бөлімі меңгерушісінің орынбасары Айбек Самат растады.
Қазіргі таңда дәрігерлер ауыр халде жатқан екінші қыздың өмірін сақтап қалу үшін күресіп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе