Семейде VIP нөмірлі көлік иесі ереже бұзып, жүргізуші куәлігінен айырылды

Семей қаласында BMW X6 маркалы көліктің 44 жастағы жүргізушісі жол қозғалысы ережесін өрескел бұзып, қарсы қозғалыс жолағына шығып кеткен.

Облыстық Полиция департаментінің хабарлауынша, бұл оқиға 19 наурызда болған. Ереже бұзған жүргізушінің көлігі айып тұрағына қойылып, іс материалдары сотқа жолданды.

Полиция департаменті жол қауіпсіздігін сақтау баршаға ортақ талап екенін еске салып, заң алдында бәрі тең екенін атап өтті. Сот шешімі бойынша жүргізуші алты айға көлік жүргізу құқығынан айырылуы мүмкін.