Семейде ескі көпірдің жағдайы халықты алаңдатып отыр

«Желідегі суреттерді көріп, бұл жолмен жүруді тоқтаттық. Өте қауіпті. Көпірге күрделі жөндеу қажет. Әйтпесе, жүруге қорқамыз», – деді ол.

Биліктің жауабы

Жергілікті билік көпірді бақылауда ұстап отырғанын мәлімдеді. Сараптама нәтижелері бойынша өткелді пайдалануға рұқсат берілгенімен, қауіпсіздік мақсатында жолақтар саны төрттен екіге дейін қысқартылған. Сонымен қатар, жүк көліктерінің қозғалысына шектеу енгізілген.

Абай облысы жолаушылар көлігі және автомобиль жолдары басқармасының басшысы Асхат Есеев көпірдің әлі де пайдалануға жарамды екенін атап өтті:

«Сараптама қорытындысы негізінде Семей әкімдігі мен жол полициясы көпірдегі жүктемені азайту туралы шешім қабылдады. Белгілі бір салмақтық шектеулер енгізілді. Сондықтан қазір көпірді пайдалану мүмкін», – деді ол.

Халық билікке сенбей отыр

Дегенмен, тұрғындар бұл шешімге күмәнмен қарап отыр. Олардың пікірінше, көпірдің астыңғы құрылымдары ауа райының әсерінен қозғалып, жағдайды одан әрі ушықтыруы мүмкін.

Әлеуметтік желілерде көпірдің қауіпті жағдайына қатысты әзіл видеолар тарала бастаған. Алайда, билік мұндай әрекеттерді жауапсыздық деп бағалап, кейбір азаматтарға айыппұл салынғанын хабарлады.