Сейітқазы Матаев бостандыққа шықты, деп хабарлайды Today.kz. 4 желтоқсанда Алматы облысы Қапшағай қалалық сотының үкімімен Матаев шартты жазамен мерзімінен бұрын босатылды.
Қазақстан журналистер одағының төрағасы Алматы облысының Заречный кентіндегі ЛА 155/14 колониясынан босап шықты. Түзету мекемесінің алдында Матаевты жұбайы Баян Рамзанова күтіп алды.
“Сейітқазының шыққанына қуанамыз, бірақ Әсет әлі ана жақта, ана ретінде қатты уайымдаймын. Ол да жақын арада босап қалар”, – деді Баян Рамазанова.
Сейітқазы Матаевтың жақындары Жоғары сотқа аппеляциялық шағым түсіреді. Олар Матаевтың атын қайта қалпына келтіруден үмітті.
Айта кетейік, Қапшағай қаласының соты 16 қарашада Сейітқазы Матаевтың өзін мерзімінен бұрын шартты жазамен босату туралы өтінішін қарап, оны түрмеден босатуға шешім шығарды.