Иә, мұндайда болады. Бұл адам құқығын таптаудың белгісі емес пе, қалай ойлайсыздар? Әркім қалай киінетінін өзі білмеуші ме еді?
Бішкек қалалық соты астана әкімдігінің бұрынғы қызметкері Сейіл Маданбекованың шағымын жартылай қанағаттандырды. Әйел “орамал таққаным үшін жұмыстан қуылдым” деп есептейді.
Сот шешіміне сәйкес, әкімдік Маданбековаға өтемақы төлеуі тиіс. Әкімдік оны жұмысқа қайта алмайтынын, себебі еңбек келісім шартының мерзімі өтіп кеткенін хабарлады.
«Мен жеті жыл бойында мемлекеттік қызметте істедім. Бірде-бір сөгіс алған емеспін. Жақсы жұмыс істедім. Бірақ аппарат жетекшісі келіп, менің орамал тағып жүретінім ұнамайды деді, шын мәнінде ол менің қызметімді басқа біреуге бергісі келді»
– деді Маданбекова.
Осыған дейін Бішкек әкімдігі Маданбекова орамал таққаны үшін емес, жұмысына қатысты бірнеше рет ескерту алғаны үшін жұмыстан алынды деп мәлімдеген.
Мұның алдында Ленин аудандық соты шешімді Маданбекованың пайдасына шешкен.