SCAT әуекомпаниясы рейстердің кешігуі мүмкін екенін ескертті
SCAT әуекомпаниясы 2025 жылғы 23 маусымға жоспарланған рейстерге қатысты маңызды мәлімдеме жасады. Компания бірқатар ұшақтарының құстармен соқтығысу салдарынан зақымданғанын хабарлады. Бұл жағдай форс-мажорлық себептер қатарына жататындықтан, әуе компаниясының тікелей бақылауында емес.
Соған қарамастан, SCAT қолда бар резервтік әуе кемелерін жұмылдырып, рейстер кестесін қалыпқа келтіру үшін жедел шаралар қабылдауда. Сонымен қатар, жоспардан тыс техникалық жұмыстар жүргізілуде.
• Анталья – Астана бағыты бойынша жолаушыларға қонақүйде тұру мерзімі ұзартылды;
• Ақтөбе – Анталья рейсінің жолаушыларына ыстық тамақ пен сусын ұсынылуда.
Сонымен қатар, ұшақтардың қайта бөлінуіне байланысты 23 маусымда мына бағыттарда рейстердің кешігуі мүмкін:
• Алматы – Шарм-эль-Шейх
• Алматы – Анталья
• Анталья – Алматы
Бұдан бөлек, халықаралық жағдай мен әуе кеңістігіндегі уақытша шектеулерге байланысты Астана – Доха рейсі тоқтатылғаны хабарланды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе