“Сау жері қалмады”. Жезқазғанда мектеп бітіру кеші өліммен аяқталды
Жезқазғанда кісі қолынан қаза тапқан мектеп түлегінің туғандары күдіктінің қамалмағанына наразы. Олардың айтуынша тергеу кезінде үйқамаққа ғана алынған 18 жастағы күдікті жеңіл жазамен құтылып кетуі мүмкін.
Бұл туралы КТК арнасы хабарлайды.
17 жастағы марқұм Константин Даниловтың туғандары қорғаушы жалдап, күдіктіге тиісті жазасын беруге бел байлаған екен. Олар ұлдарынан мектеп бітіру кешінен кейін-ақ, көз жазып қалды. Оның көкала қойдай болған өлі денесі ертеңінде орталық саябақтан табылған. Полиция қылмысқа қатысты оның құрдасын ұстады. Бірақ оны темір торға қамамай, үйқамаққа алыпты.
“Өлім туралы анықтамасында басынан көп соққы алғаны айтылған. Жерлеу кезінде көрдік, баснынан сау тамтығы қалмапты. Сондықтан оның басын түгелдей шүберекке ораған күйі жерледік”, деді марқұмның әжесі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе