Алматы облысында жақын күндері күн қатты суытады. Бұл туралы облыстық төтенше жағдайлар департаменті дабыл қағып, ескерту жасады.
Төтеншеліктердің ескертуіне сүйенсек, алдағы 24-29 қаңтар аралығында Алматы облысының аумағында түнгі ауа температурасы кей жерлерде -30, -35 градус аязға дейін төмендейді.
Осы ретте Алматы облысы Төтенше жағдайлар департаменті келесіні ұсынады:
– мұқият болыңыз, ауа-райының өзгеруі туралы ақпаратты жіті қадағалаңыз;
– ауа-райының өзгеруі бойынша киім киіңіз;
– алыс жолдарға мүмкіндігінше шықпауға тырысыңыз;
– аяз кезінде балаларды далаға шығармаңыздар;
-жылыту пештері мен тұрмыстық жылыту құрылғыларын қолдану кезінде өрт қауіпсіздігі ережелерін сақтаңыздар!