Нұр-Сұлтан
Қазір
-11
Ертең
-13
USD
425
-1.10
EUR
505
-0.92
RUB
5.59
-0.02

Сарапшылар АҚШ-тың президенті ауысады деп болжам жасады

коллаж: Reuters

Президенттік жарыстың мәресіндегі шешуші кезең 23 қазанда өткен пікірсайыс болды. Барлығы Дональд Трамп пен Джо Байденнен соңғы көзірін шығарады деп күтті, себебі бұдан кейін бәсекелесіне соққы беретін басқа мүмкіндіктері болмайды.

Бастапқыда сыртқы саясат басты тақырып ретінде алынды. Бұл салада Трамптың мақтанарлық жетістіктері бар. Алайда, соңғы сәтте одан бас тарту туралы шешім қабылданды. Бұл Байденнің  пайдасына жарады.

Қытай, пандемия және Ресей

Алайда, Трамптың әлі де бір маңызды көзірі болды. Пікірталас қарсаңында Байденнің ұлының бизнес-серіктесі Тони Бобулинский Хантер Байденнің 2017 жылы әкесімен Қытай мұнай мемлекеттік компаниясы CEFC-мен бірлескен кәсіпорын құру туралы кеңескен деп мәлімдеді. Алайда Трамп оны пайдалана алмады. Оның қарсыласы тақырыпты бірінші болып көтеріп, ұлымен арада мұндай кеңес болмағынын айтты.

Коронавирустық пандемия туралы қызу пікірталас болды. Байден Трампты  коронавирустан құрбан болғандардың кем дегенде жартысының өліміне кінәләды.

Денсаулық сақтау министрлігінің жаңа басшылары ескі сұрақтарға жауап береді — Данияр Әшімбаев

«Егер бәрі бетперде киіп жүрсе, 100 мың адамның өмірі қиылмас еді».

Сондай-ақ, ол АҚШ-тың қазіргі Президенті қысқа ешқандай жоспар құрмағанын және алда не болары белгісіз екенін атап өтті.

Трамп вакцина бірнеше аптадан кейін дайын болады деп қарсылық білдірді. Көктемде ол пандемиямен күресу үшін елдің ресурстарын жедел жұмылдырды. Бәсекелесіне қарағанда экономика туралы ойлайтынын еске салды.

Кандидаттар Ресей туралы көп сөйлесті. Алдымен олар бір-бірін Ресей ақшасын алды деп айыптады:

  • Трамп Байденді Елена Батуринадан 3,5 миллион доллар алды десе (Юрий Лужковтың жесірі),
  • Байден Трампты тікелей Путин қаржыландырады деп кінәләды.

Содан кейін Байден Ресейдің қазіргі президенттік науқанға араласып жатқанын тағы бір рет мәлімдеді.

Трамп жеңілді ме?

Сарапшылар пікірсайыс нәтижелері бойынша Джо Байден жеңуі мүмкін деп есептейді. Ол өзін жақсы ұстады,  қарсы шабуылдары сәтті болды және Трамп күткендей «қателіктерге» жол бермеді.

Байден америкалықтар үшін басты тақырып — сақтандыру және әлеуметтік қамсыздандыру туралы сөйлесе алуы таңғалдырды. Алайда ол балама энергияны қолдауға қатысты тым асыра сөйледі. Соның салдарынан көптеген жыл бойы алғаш рет демократқа дауыс бере алатын мұнайлы Техастың дауысынан айырылуы мүмкін.

ЕАЭО-да бірегей валюта енгізіле ме және оның нәтижесі қандай болмақ?

Екінші жағынан, Трамп та жақсы көрінді, бұл оған әлі кімге дауыс беретінін анықтамаған сайлаушылардың бір бөлігін өз жағына тартуға көмектеседі. Бірақ олардың саны аз – 50 миллионнан астам адам (250 миллион сайлаушы) мерзімінен бұрын дауыс берді.

Тағы бір мәселе: 2016 жылғы сайлаудың алдында да Трамп пікірталастан жеңіліп қалған еді. Бірақ ол кезде  Хиллари Клинтон жеңімпазды анықтайтын Штаттарда аз артықшылыққа ие болды.

АҚШ президентін сайлау 3 қарашаға белгіленген. Одан 10 күн бұрын

ұлттық сауалнамаларда Джо Байден Дональд Трамптан  дауыс жағынан 7,9%-дан 9,8%-ға дейін артықшылыққа ие. Дауыстарын кімге берерін анықтамаған штаттарда —  3,8%

Соңғы екі аптада артта қалған Трамптың көрспеткіштері бірашама жақсаруда, бірақ өте баяу.

Айта кету керек, сайлау жүйесінің арқасында соңғы бес рет АҚШ сайлауында аз дауыс жинаған кандидат жеңіске жетті (2000 жылы Джордж Буш және 2016 жылы Трамп). Бірақ, FiveThirtyEight бағалауы бойынша, 5%-дан артық артықшылығы бар кандидаттың сайлаушылардың дауысы арқылы жеңіске жету мүмкіндігі 98%-ға тең немесе одан да көп.

Джо Байденнен нені күтуге болады?

Джо Байден 1973 жылы Американың ең жас сенаторы болды, Американың ең перспективалы саясаткерлерінің бірі және баспасөз оны болашақта президент болады деп көріпкелдік болжам жасады. Бірақ бәрі олар айтқандай болмады.

Байден Сенатқа сайланғаннан кейін әйелі мен кішкентай қызы көлік апатына түсіп, қайтыс болды. Бұл оның саяси мансабына кедергі келтірді. Содан кейін 1988 жылы ол қатысқан алғашқы президенттік науқан сәтсіз аяқталды. Байден британдық еңбек лидерінің сөздерін плагиат жасады деген өзіне қарсы айыптаудан  сайлаудан бас тартуға мәжбүр болды.

Бірақ ол 50 жылын Сенат пен Ақ үйде өткізді (Барак Обаманың жанында вице-президент болды), саяси капитал жинап, енді өмірінің 78-ші жылында Президенттік сайлауда жеңіске жету мүмкіндігіне ие болды.

Сарапшылар Байден жеңіске жеткен жағдайда демократтарға тән саясатты жүзеге асырады деп санайды. Атап айтқанда, жеңілдіктерді арттыру, әлеуметтік қолдау, бостандықтарды кеңейту және басқа да іс-шаралар.

Сыртқы саясатқа келетін болсақ, мұнда бәрі әлдеқайда белгісіз. Мысалы, Ресеймен қандай қарым-қатынас құратыны анық емес. Қырғи қабақ соғыс кезінде де Байден елдер арасындағы қатынастарды бәсеңдетуді жақтады. Ал екі мыңыншы жылдардың соңында Ресеймен экономикалық байланыстарды дамыту керек деп пікір білдірді.

Алайда, 2011 жылы Владимир Путин мен Дмитрий Медведевпен кездесуден кейін ол жүйелік емес оппозицияға көшті. Ол «Путиннің орнында болсам президенттік сайлауға бармас едім» деді.

Сонымен қатар, 2014-2016 жылдары Байден АҚШ-тың Украинадағы саясатына жауап берді.  Ол кезде Украинада саяси оқиғалар шиеленісіп тұрған еді. Сондықтан сарапшылардың пікірінше,

Байденнің Ресейге қатысты саясаты қатал, бірақ болжамды болады

Кем дегенде, Кремльге онша жақтыра бермейтін адам құқықтары туралы тақырыпқа маңызды орын береді.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз