“Санын жарқыратып”. Пианинода ойнаған қыздың киімі жұртқа жақпай қалды

Пианист қыздың концерттер мен студияда түсірілген видеоларын әлеуметтік парақшасында мыңдаған адам тамашалапты. Бірақ арудың аудиториясы екі жақ болып бөлініп алған сияқты. Музыкантты сынға алғандар оның киім киісін ғана емес, орындау қабілетін де сөгіп жатыр.

“Бұлай тек гинекологтың кабинетінде ғана отыруға болатын шығар! Жә, Шопенді қойшы, ең бастысы – аяғым қандай әдемі дей ме? Айыпқа бұйырмаңыздар”, – деп Marika атты Twitter қолданушысы ашуын жасырмады.

Оның ойынша Лоланың орындау шеберлігі “түкке тұрмайды”.

“Мына бетсізді қараңыздар, ұятты жерін шашымен ғана жауып отыр!”, — деп жазды Рыжий Бэтмен.

“Сізге рахмет. Аузына келгенді жазатындарға мән бермеңіз… Қанатыңыз талмасын…”, – деп жазды rafael__guseynov Іnstagram желісінде.

Ол алты жасынан бастап музыкамен айналысқан. Әуелі Ташкенттегі Успенский атындағы музыкалық мектебінде білім алып, кейін Мәскеу консерваториясында оқыған.

Лола жеке концерттерімен, оркестрмен Германия, Франция, Италия, Австрия және Ресейде көрермен қошеметіне ие болды.

2003 жылы Астанова АҚШ-қа қоныс аударған.