Сағадиев Тайжанмен кездескісі келмейді екен
ҚР Білім және ғылым министрі Ерлан Сағадиев «Болатхан Тайжан» қорының президенті Мұхтар Тайжанмен теледебаттан бас тартты. Бұған дейін Мұхтар Тайжан әлеуметтік желі арқылы министрді үш тұғырлы тіл және қазақ тарихы туралы ашық пікірталасқа шақырған болатын.
«Тайжанға қатысты айтар болсам, бұл менің қызметіме жатпайды деп есептеймін. Маған ол қызық емес және онымен кездесуді де көздеп отырғаным жоқ», — деді білім министрі бүгін Үкімет үйінде журналистердің сауалына жауап бере келе.
Айта кету керек, таяуда «Хабар» арнасында ҚР Денсаулық сақтау министрі Елжан Біртанов пен «Талап» қолданбалы зерттеулер орталығының директоры Рахым Ошақбаев арасында міндетті медициналық сақтандыру жүйесіне қатысты пікірталас болды. Осыдан кейін Мұхтар Тайжан да Фейсбук арқылы Білім және ғылым министрі Ерлан Сағадиевті ашық пікірталасқа шақырған еді.
Дереккөз: Қазақпарат
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе