Сағадиев мектептердің латын әліпбиіне қалай көшетінін айтты
Астанада қазақ тілін латын әліпбиіне ауыстыру бойынша Мәдениет және спорт министрі Арыстанбек Мұхамедиұлы мен Білім және ғылым министрі Ерлан Сағадиевтің қатысуымен брифинг өтті.
Брифингте журналистің сұрағына жауап берген Білім және ғылым министрі Ерлан Сағадиев латын графикасындағы қазақ тілі аралас және орыс тілді мектептерде пән ретінде ғана өтетіндігін айтты, деп хабарлайды Baq.kz.
«Қазіргі кезде министрлік нөлінші және бірінші сыныптарға үйретуді бастаймыз деп отыр. Содан кейін әр сынып кезең-кезеңімен көшетін болады. Оқушылар қазақ тілі пәніне келсе, барлығы латын әліпбиімен оқиды. Бұл орыс мектептеріне қатысты.
Ал орыс тіліндегі пән болса, ол сол крилицада оқи береді. Бұл қазақ тілі пәні мен қазақ тілінде жүрілетін пәндерге қатысты» – деді министр.
Естеріңізде болса, Арыстанбек Мұхамедиұлы қазақ тілін латын әліпбиіне ауыстыру бойынша қандай жұмыстар жүргізілетіні жайлы айтқан болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе