Сөгемін деп, бәлеге қалған депутат – Аманжан Жамаловты тергеу нәтижесі 24-қаңтарда белгілі болады
ҚР Орталық сайлау комиссиясы депутат Аманжан Жамаловқа қатысты тексеріс жүргізеді.
Бұл туралы ҚР Орталық сайлау комиссиясының баспасөз қызметі хабарлады.
«2017 жылғы 18-қаңтарда Қазақстан Республикасы Орталық сайлау комиссиясы бір күн бұрын, яғни 17-қаңтарда 365info.kz интернет-порталында жарияланған «Табысты» депутат Жамалов Қазақстан Парламентінен кетуі мүмкін» мақаласында баяндалған фактілер бойынша отырысы болды. ҚР ОСК мүшесі Сәрсембаевтың хабары және ҚР Парламенті Мәжілісінің депутаты Жамаловтың түсіндірмелері тыңдалды.
Қазақстан Республикасы Конституциясының 52-бабы 6-тармағына сәйкес, ҚР ОСК мүшелері Сәрсембаев пен Сүлейменге тексеру жүргізіп, оның нәтижесін 24-қаңтарға дейін баяндау туралы тапсырма берілді.
Аталған мәселе бойынша қаулы қабылданды», – деп жазылған ҚР Орталық сайлау комиссиясының баспасөз қызметі хабарламасында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе