Нұр-Сұлтан
Қазір
18
Ертең
17
USD
419
+0.14
EUR
492
-2.14
RUB
5.68
0.00

Роза Рымбаеваның ұлы қыздарын жарнамалап, «өткізгісі» келетін аналарды сынға алды

133

«Менің қызым бар еді. Жасы 19-да, шашы ұзын, дипломы бар» – деп өз қызына өзі жарнама жасап қояды. Арасында суретін салып қояды. Бұл енді күлкілі жағдай. Үлкен кісі ғой. Кейде қатты жазып кеткенде: «Апай, рақмет көп-көп» деп қана жауап жазамын. Анасының өзі маған қарсы емес екендігі жаныңа жылы сезім ұялатады, әрине! Мен оны қалжың ретінде қабылдаймын. Бірақ бұл менің ойымша сәл дұрыс емес-ау! Жастар өздері бірінші танысып, араласып, ата-анадан бұрын өздері шешім қабылдау керек сияқты. Ата-анамен танысу –келесі қадам, келесі бір деңгей. Алдымен анасымен әлеуметтік желіде танысып, кейін фотодағы қызбен танысу мен үшін жат нәрсе», – дейді Әли.

Жасы отызға жетсе де отағасы атануға асықпайтын Оқапов, сырт көздің сынынан шаршағанын айтады. Жұлдызды бойдақ жанұялық өмірден жүрексініп жүргенін де жасырмайды. Өйткені, өнерпаз жігіт жауапкершіліктің қаншалықты ауыр екенін жақсы біледі, деп хабарлайды Stan.kz тілшісі.

«Жасың 29-ға келді, не жүріс мынау? Қашанға дейін жүресің?» – деп мені сынайтындар да бар. Мен үйлену үшін ғана үйленгім келмейді. Өйткені, үйлену оңай, үй болу қиын! Үйлену – жанұялық жолыңның басы ғой. Ол жай ғана той емес. Өйткені, көпшілік сол тойға барғысы келеді, көргісі келеді. «Әли – күйеу бала», «Розаның тойы» деген оларға қызық. Бірақ шынымен одан кейін не бар екенін көпшілік ойламайды. Қазір ажырасу статистикасы 50 пайыз. Өкінішке орай, жанұялардың көбі ажырасып жатыр. Кейбір жұбайлардың арасында бала қалады. Ондай болғым келмейді. Жақын достарымның қатарында да бар. Иә, шынымен де жасым келіп қалған шығар, тезірек анама немере сүйгізіп, қолын ұзарту керек шығар. Бірақ асығыстықтан, дұрыс емес шешімнен немесе жай ғана «әңгіме болмасын» деп үйлене салуға болмайды. Ол толығымен жауапкершілікпен жасалатын қадам. Егер үйленіп, ертеңінде ажырасып жатсақ, оның ешкімге пайдасы болмайды. Құдай сақтасын!» – дейді Оқапов.

Али танымалдығына қарамастан, қыз табу оңай емес екенін айтады. Біріншіден, ол халық әртісінің ұлы, екіншіден кез келген қыз аты аңызға айналған Роза Рымбаеваның келіні бола алмайды.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз