Роман Скляр Қытайда қазақша баяндама жасап, көпшіліктің ықыласына бөленді

Бұл ретте желі қолданушылары оның іскерлік топ алдында таза қазақша сөйлегенін таңданыспен қабылдаған. Ал бұл вице-премьердің Қытай еліне жасап отырған алғашқы сапары емес және ол әр дипломатиялық кездесуде баяндамасын тек қазақша оқиды. Мысалы, Роман Скляр биыл 2 шілдеде де Қазақстан-Қытай іскерлік кеңесінде мемлекеттік тілде мүдірмей сөйлеген болатын. Әрине, билік басындағы өзге ұлт өкілінің мемлекеттік тілге деген мұндай құрметі – өзге отандастарымызға, әсіресе, ана тілінде сөйлеуді ар санайтын қаракөздерге зор үлгі.