Риддер тұрғындарының жұмыс уақыты өзгерді
Шығыс Қазақстан облысының Риддер қаласында мемлекеттік мекемелер мен кәсіпорындардың жұмыс кестесі жаңартылды. 14 наурыздан бастап қала тұрғындарының жұмыс күні таңғы 08:00-де басталып, 17:30-да аяқталады. Түскі үзіліс 12:00-ден 13:30-ға дейін белгіленген.
Қала әкімдігі бұл өзгерістің басты мақсаты – еңбек өнімділігін арттыру және жұмыс процесін оңтайландыру екенін мәлімдеді.
«Шығыс Қазақстан облысының 11 ауданы жаңа жұмыс кестесіне көшті. Бұл – уақытты тиімді пайдалану мен еңбек тәртібін жақсарту үшін жасалған қадам. Енді тұрғындар таңғы уақытты өнімді пайдаланып, күндізгі жарықта көбірек іс тындыра алады», – деді Риддер әкімінің орынбасары Болат Ақужанов.
Қала әкімдігі шешім қабылдамас бұрын тұрғындармен бірнеше кездесу өткізіп, олардың пікірін ескерген.
«Жұмыс уақытын өзгерту – тұрғындар үшін қолайлы шешім. Бұл еңбек пен жеке өмір арасындағы тепе-теңдікті сақтауға мүмкіндік береді», – деп сөзін түйіндеді әкімнің орынбасары.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе