Ресейдің сыртқы істер министрі Лавров Абхазияда “елшілік” ашты
Ресейдің сыртқы істер министрі Сергей Лавров өзін тәуелсіз республика деп жариялаған Абхазияға екі күндік сапармен барып, Сухумиде елшілік ретінде таныстырылған мекеменің ашылу салтанатына қатысты.
Грузия Лавровтың сапарына байланысты Мәскеуді қатаң сынға алды.
Грузия президенті Георгий Маргвелашвилидің мәлімдеуінше, “Ресейдің бұл әрекеті Грузияның егемендігі мен территориялық тұтастығына қарсы бағытталған және аймақтағы жағдайды одан бетер ушықтыра түседі”.
Грузия премьер-министрінің Ресеймен байланыс жөніндегі арнайы өкілі Зураб Абашидзенің 18 сәуірде мәлімдеуінше, екі күндік сапар “Грузияның егемендігін бұзғандық болып саналады”. Грузия сыртқы істер министрінің орынбасары Дэвид Джалагания болса Ресейді “заңдар мен халықаралық қағидаларды ұстанбайды” деп айыптады.
Абхазия 1992–1993 жылдардағы соғыс кезінде Грузия үкіметінің бақылауынан шықты. Ресей Абхазия мен Оңтүстік Осетияны тәуелсіз елдер деп таныды. Ресей бұл аймақта әскер ұстап отыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз