Gallup институтының мәліметі бойынша, Қырғызстан президентін халықтың 80 пайызы қолдайды. Бұл туралы президент Алмазбек Атамбаев Нью-делиде қырғыз-үнді бизнес-форумында мәлімдеді.
Ол Конституцияны өзгерту туралы референдумды отандық және шетелдік баспасөз президент құзыретін созу мақсатында өткізді деп жазғанын айтты.
Президент кәсіпкерлердің қиыншылықтарымен жақсы таныс екендігін мәлімдеді. “Мен саясатқа келместен бұрын кәсіпкер болдым. Тәуелсіздіктің алғашқы жылдарында елде кәсіппен айналысқандардың бірі мен едім. Сол кезде талай қиыншылықты бастан өткердім”, – деді ол.
Атамбаевтың айтуынша, осы жылдары ол елде кәсіпкерліктің дамуына барлық жағдай жасауды армандаған.
“Менің ойымша, біздің елімізде аймақтағы ең қорғалған бизнес жұмыс жасайды. Мен кәсіпкерліктің Еуропадағыдай қорғалғанын армандаймын”, – деді Атамбаев. Ол биыл шағын және орта кәсіпкерлікті дамытуға шамамен 10 миллиард сом бөлгенін айтып өтті.