Нұр-Сұлтан
Қазір
3
Ертең
-1
USD
449
-1.43
EUR
484
-3.48
RUB
4.86
0.00

Құрбан айтты ресми мереке қылу мәселесінде, әсіресе, қазақтар қарсы шықты – Амангелді Айталы

Бұл туралы aktobenews.kz хабарлайды.

— Бұл оқиға 2004 жылы болды. Мен ол кезде ҚР Парламенті Мәжілісінің депутаты едім. Ақтөбе облысы Әйтеке би ауданының ақсақалдары маған бір сауал қойды. «Біздер Өзбекстанда да болдық. Ресейдің Татарстаны мен Башқұртстанына да бардық.

Осы бауырлас елдерде Ораза айт пен Құрбан айт ресми мерекелер ретінде тойланады. Біздің еліміз неге мұсылмандыққа бет бұрып, аталған екі мерекені ресми түрде тойламайды?» деді, — дейді Амангелді Айталы.

Осыдан кейін ол ауыл ақсақалдарының аманатын ҚР Парламенті Мәжілісіне жеткізген.

— Үлкен ақсақалдарымыз осындай игілікті істі мемлекеттен күтті. Сосын біраз мемлекеттің заңдарын оқып, танысып, «Мерекелер туралы» Заңға 4-бап қылып, діни мерекелер ретінде Ораза айт пен Құрбан айт және оған Рождество христово мерекесін де қосып, заң жобасын дайындап, Мәжіліске ұсындық. Мен және бір орыс депутат баяндама жасадық.

Бірақ біздің заң жобамыз өтпей қалды. Бұл заңға, әсіресе қазақтар қарсы шықты,

— деп өз қынжылысын білдірді бұрынғы депутат.

Дегенмен, бұл іс аяқсыз қалмапты. Айталының айтуынша, Мәжіліс отырысынан 2-3 күн өткеннен кейін  «Егемен Қазақстан» республикалық газеті ерлік жасайды.

Газетте «Біздің елімізде дінсіз депутаттар бар екен» деген мақала жарияланады.

Ақыры, мәселе қайта көтеріліп, ҚР Еңбек Кодексінде мұсылмандардың Құрбан айты пен православтардың Рождествосына ресми мереке күні ретінде мәртебе беріледі.

— Өзің кім болсаң, ол бол! Құдайсыз боласың ба?… Бірақ сені сайлаған халық негізінен діндар халық қой. Сен халықтың атынан келіп отырсың ғой. Бұл мемлекетте халықтың 70 пайызы мұсылмандар, — дейді Мәжілістегі күндерін еске алған қоғам қайраткері.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз