Ресей президенті Владимир Путин төртінші мерзімге президент болу үшін 2018 жылы наурызда өтпекші президент сайлауына түсуді ойластырып жатқанын мәлімдеді.
4 тамызда Бурятиядағы Байкал көлінің жағасында өткен жиында сөйлеген Путин сайлауға түсу жайлы жергілікті тұрғынның бейне байланыс арқылы “Халық сіздің алдағы сайлауға түскеніңізді қалайды” деген сөзіне жауабында айтты. Бейне байланыспен хабарласқан адам өзін Екінші дүниежүзілік соғыстың ардагерімін деп таныстырды.
Ресейдің Орталық сайлау комиссиясы бұған дейін негізгі оппозициялық саясаткер Алексей Навальный қаржы жымқырды деп айыпталғандықтан сайлауға үміткер болып тіркеле алмайтынын мәлімдеген.