Ресей президенті Владимир Путин Сириядағы қантөгісті тоқтатып, саяси процесс бастау мүмкін болмай отыр дейді. Интерфакс агенттігінің хабарлауынша, бұл туралы ол “Валдай” халықаралық дискуссия форумында мәлімдеді .
Путиннің мәлімдеуінше, АҚШ-тың қазіргі әкімшілігімен жұмыс істеу оған қиынға соқты, өйткені ол келісімдерді, соның ішінде Сирияға қатысты келіссөздерді орындамады. Путин америкалықтар таңдайтын жаңа президентпен әріптестік орнатуға және кез-келген мәселені талқылауға дайын екенін мәлімдеді.
Ресей басшысы Мәскеудің америкалық сайлау науқанына араласты дегенді тағы жоққа шығарды. Ол Дональд Трампты сайлаушыларды ерекше әдістермен жаулап алушы саясаткер деп атады.