Путин Назарбаевтың азаматтықтан айыру туралы мәлімдемесіне қатысты пікір білдірді
Ресей Президенті Владимир Путин Нұрсұлтан Назарбаевтың террористерді азаматтығынан айыру туралы шешіміне қатысты пікір білдірді.
Бұл туралы РИА Новости хабарлады. Путиннің айтуынша, Ресей Федерациясы Конституциясы бойынша ешкімді азаматтығынан айыра алмайды.
“Сіз Назарбаевтың “Ислам мемлекеті” ұйымына кіретін қазақстандықтарды азаматтығынан айыру туралы шешімін айтып отырсыз ғой.
Ал біз – Ресейде конституцияға сәйкес, ешкімді азаматтығынан айыра алмаймыз. Алайда біз Ресей азаматтығын алуға негіз болатын шешімдерді өзгерте аламыз.
Заңгерлерімізбен кеңесіп, ол жағын жақын арада шешеміз деп ойлаймын”, – деді Путин “Мир 24” телеарнасына берген сұхбатында.
Еске сала кетейік, осыған дейін Мемлекет басшысы Қазақстанда тыйым салынған “Ислам мемлекеті” ұйымына кіретін қазақстандықтардың азаматтығынан айырылатынын айтқан еді. Сондай-ақ, ол “Ислам мемлекеті” ұйымында (Қазақстанда тыйым салынған) Қазақстан атынан шамамен 500-600 адам, ал бұрыңғы Кеңес одағы елдерінен 5 мыңға жуық адам жүргенін айтқан болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе