Путин: біздің жезөкшелер мықты, бірақ Трамп оларға қарамай қойды (видео)

“Екіншіден: Трамп келді де, бірден мәскеулік жезөкшелермен кездесті дейді. Ол үлкен кісі әрі көп жылдардан бері әлем аруы байқауын ұйымдастырады. Ол әлемнің ең сұлу қыз-келіншектерімен араласты. Мен оның бірден келіп, әлеуметтік жауапкершілігі төмен қыздармен кездесу үшін қонақ үйге жүгіріп барды дегенге сене алмаймын. Олар сөзсіз, әлемдегі ең таңдаулылар, бірақ Трамп оларға қарайды дегенге күмән келтіремін”, – деп атап өтті Путин.

Путин Трамп жайында “компроматқа” түсініктеме бере келіп, 11 қаңтарда CNN бұл жайында бірінші рет ақпарат бергенін, ал BuzzFeed интернет-ресурсы 35 беттен тұратын құжатты жариялағанын айтты.

Осыдан кейін америкалық БАҚ-та Путин үкіметі Мәскеуге бірнеше рет келіп-кеткен Трампқа ықпал ететін жолдарды ұзақ жылдар бойы ойластырған деген пікірталас болды.