Жапония үлкен жетіліктің мүшесі ретінде Ресейге қатысты Қырымды аннексиялағаны үшін санкцияны сақтай. Осылай деп 31 қазанда Жапонияның премьер-министрі Синдзо Абэ парламенттің төменгі палатасында болған дебат кезінде мәлімдеген.
«Жапония G7 мүшесі ретінде Украина мен Қырымдағы проблемалар үшін Ресейге салынған экономикалық санкцияны сақтайды», – деді Абэ.
Қазан айының басында Синдзо Абэ Жапония Ресейдің Қырымды аннексиялағанын мойындамайды деген.
Украинаның Жоғарғы Радасы 2014 жылдың 20 ақпанын Қырым мен Севастопольді басып алуды бастаған күн деп ресми атады. 2015 жылдың 7 қазанында Украина президенті Петр Порошенко тиісті заңға қол қойған. Халықаралық ұйымдар Қырымның заңсыз аннексияланғанын мойындап, Ресейді айыптады. Батыс елдері экономикалық санкциялар енгізді. Ресей болса түбекті басып алғанын жоққа шығарып, «тарихи әділеттілікті қалпына келтірдік» дейді.