Путин біледі… Елші Карловтың қазасының артында кім тұр?

20 желтоқсан 2016, 13:32

Путиннің баспасөз хатшысы Дмитрий Песковтің сөздерінше, сыртқы істер министрі Сергей Лавров, Сыртқы барлау қызметінің төрағасы Сергей Нарышкин және Федералды барлау қызметінің басшысы Александр Бортниковпен өткізген шұғыл жиналыста Ресей лидері Карловқа жасалған қастандықты Сириядағы жанжалды реттеуге қарсы арандатушылық деп атаған.

СІМ ресми өкілі Мария Захарова “Россия 24” телеканалы арқылы Мәскеу елшінің қазасын теракті деп санайды деп мәлімдеген. Түрік билігі Ресей елшісін өлтірген адам бұрын Анкарада арнайы полиция жасағында істегенін растады. Шабуыл жасаушының көзі жойылған.

Андрей Карлов Анкарада қарулы шабуылдан кейін қайтыс болды. Ол Өнер галереясындағы “Ресей түрік көзімен” деп аталатын фотокөрмеде сөйлеп жатқан еді.

Қарулы шабуыл кезінде тағы да үш адам жараланды.