ҚР Бас прокуратурасында Қазақстан Республикасының Тұңғыш Президенті күніне арналған мерекелік шара өтті.
ҚР Бас прокуроры Жақып Асанов еліміздің тәуелсіз әрі заманауи мемлекет болып қалыптасуындағы Президентіміз Нұрсұлтан Назарбаевтың айрықша рөлін атап өтті деп хабарлады осы органның баспасөз қызметі.
«Қазақстан – 2050» стратегиясы Елбасымыздың ұзақ мерзімді мақсаты мен еліміздің барлық салада осы заманғы жан-жақты дамуына іргетасын қалайтын құжат ретінде көрсетілгені аталды. Және бұл дерек әрбір қазақстандықтың жанына жақын әрі түсінікті «Мәңгілік Ел» ұлттық идеясында да бекітілген. Оның негізінде мемлекетіміз бен барлығымыздың жетістігіміздің қалыптасуына ықпал етеді.
Биылдан бастап «Рухани жаңғыру» қоғамдық сананы жаңғырту бағдарламасы да саяси және экономикалық процестерді қайта құрудың алғышарттарын толықтырады. Қазақстан жергілікті өңірде ғана емес, сондай-ақ халықаралық деңгейде де жоғары беделге ие. Мұның мысалы ретінде Астанадағы Сирияға қатысты келіссөздер жүргізу бастамасы, халықаралық ЭКСПО-2017 көрмесінің өткізілуі, – деді Жақып Асанов өз баяндамасында.
«Президентімізге әрбір қазақстандыққа қамқорлығы үшін алғысымызды білдіреміз.
Сол мезетте Елбасының қамқорлығы мен ықыласы біздің барлығымызға үлкен жауапкершілік жүктейді. Сондықтан прокуратура Мемлекеттік басшысының заңдылықты қамтамасыз етудегі тірегі болып қала береді», – деді Жақып Асанов.
Мерекелік шараны қорытындылай келе Қазақстан Республикасының Тұңғыш Президенті жөнінде деректі фильм көрсетілді.