Пол Манафорт ресейлік адвокатпен кездескені жөнінде куәлік берді
АҚШ президенті Дональд Трамптың сайлауалды штабын басқарған Пол Манафорт Сенаттың барлау жөніндегі комитеттің өкілдерімен кездесті деп хабарлайды Associated Press агенттігі.
Агенттік таратқан мәлімет бойынша, Манафорттың жауаптары 2016 жылдың маусым айында ресейлік адвокат Наталия Весельницкаямен кездесуі жайында болған. Манафорт сенаторлардың сұрақтарына жауап беруге келіскен.
Манафорт былтыр АҚШ-та өткен президент сайлауына Ресейдің араласуы мүмкіндігін зерттеуде басты фигуранттардың бірі. 2016 жылдың маусым айында Манафорт Трамптың сайлауалды штабын басқарған. Ол әрі кіші Трамппен бірге рейселік заңгер Наталия Весельницкаямен кездескен. Былтыр тамыз айының ортасында Манафорт Украинаның экс-президенті Виктор Януковичпен саяси және іскер байланысы болғандықтан штабтан кеткен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе