Польшадағы Қазақстанның елшісі болған Алтай Әбибуллаев өзі туралы алып-қашпа сөздерге сенбеуді сұрады.
Бұл туралы экс-елші Twitter-дегі жеке парақшасында жазды.
“Мен туралы қажетсіз алып-қашпа сөздерге араласып, пікір білдірмеулеріңізді сұраймын. Бұған ҚР заңнамасында жаза қарастырылғанын ескерте кетейін”, – деп жазады Алтай Әбибуллаев.
Ал кеше ҚР Сыртқы істер министрлігі бұл жайтқа қатысты ресми түсініктеме берді. “Польшадағы ҚР елшісі Алтай Әбибуллаевтың шаруашылық жүргізуші субъектінің коммерциялық қызметіне араласуға әрекеттену түрінде мемлекеттік қызмет туралы заңнаманы бұзған” делінеді онда.