Петр Порошенко Михаил Саакашвилидің еркін жүріп-тұруын қиындатты
Ресми Киев АҚШ және өзге де мемлекеттердің билік органдарын Михаил Саакашвилидің Украина аумағында алған барлық құжаттарының күші жойылғаны жайында хабардар етті, деп хабарлайды Oxu.az сайты.
Украина президенті Петр Порошенко Америкада жүрген Михаил Саакашвилиді Украина азаматтығынан шығарғаннан кейін АҚШ билік органдарына оның барлық украиналық құжаттарының күші жойылғандығы жайында мәлімдеме таратқан. Бір сөзбен айтқанда Украина билігі барлығын Саакашвилиді Грузияға өздері экстардициялай алмайтындай етіп жасаған.
Шетелдік сарапшылардың сөзінше, Киевтің мұндай қадамдарға баруының себебі, Украинадағы Саакашвили жақтастарынан сескенуі болу мүмкін. Осыдан кейін Украина билігінен Саакашвилиді экстрадициялауға байланысты бірнеше мәрте тиісті жауап ала алмаған Грузия тарапы, қазірдің өзінде АҚШ билігімен Михаил Саакашвилиді экстрадициялауға байланысты келіссөз жүргізуге дайын екенін мәлімдеген.
Естеріңізге салайық, тамыздың 1-і күні Михаил Саакашвили өзінің АҚШ-та тығылып жатпайтынын, міндетті түрде Украинаға қайтып оралып, сот алдында өзінің құқығын қорғайтынын айтқан болатын.
Дереккөз: qazaqtimes.com
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз