Павлодарда моншаға түсіп жатқан келіншек бала-шағасымен тірідей жанып кетті
Павлодарда 30 жастағы келіншек пен оның екі баласы моншадағы өрттен қаза тапты. Болжам бойынша, оттың тұтануына электр сымдарының тұйықталуы себеп болған.
Бұл туралы КТК арнасы хабарлайды.
Қайғылы оқиға шаһардағы Потанин көшесінде орналасқан мына жер үйдің аумағында болды. Жазғы асханаға жапсарлас салынған моншаға марқұмдар түс кезінде кіріпті. Сол сәтте өрт шығып, іштегі келіншек 4 жасар қызымен және жетідегі ұлымен бірге тірідей жанып кеткен. Оқиға орнына жеткен өрт сөндірушілер 20 шаршы метрді шарпыған жалынды бір сағатта әзер ауыздықтапты.
Қайғыдан қан жұтқан отағасы жақындарын жерлеу үшін көпшіліктен әлеуметтік желі арқылы көмек сұраған. Қазір арнайы шот ашылып, тұрғындар көмектесуде. Марқұм келіншек қос баласымен бірге ертең жерленбек.
“Енді не істейміз?Балалар шапағатты болсын! Анасы шаһит болып кетті ғой енді. Иман байлығын берсін!”, – деді марқұмдардың ағасы.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз