Павлодарда мемлекеттік қызметкерге сыйлық жасаған үш адам жазаланды
Мемлекеттік қызметкерлерге сыйлық жасаған Павлодар облысының үш тұрғыны жазаланды.
Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің брифингі барысында белгілі болды деп хабарлады Tengrinews.kz.
“Биыл лауазымды тұлғаға заңсыз түрде ақшалай сыйықы берген үш дерек анықталды”, – деді Жүсіпов.
Осы деректер бойынша әкімшілік өндіріс қозғалды. Іс Павлодардың мамандандырылған әкімшілік сотына жіберілді.
Мемлекеттік қызметкерлерге сыйлық жасағандарға 200 айлық есептік көрсеткіш ретінде айыппұл салынды. Айыппұлдың жалпы сомасы – 1 361 400 теңге.
Сондай-ақ, сыйлық алған мемлекеттік қызметкерлер де әкімшілік жауапкершілікке тартылды. Оларға 600 айлық есептік көрсеткіш ретінде айыппұл салынды. Қазіргі уақытта осыған ұқсас тағы бір дерек сотта қаралып жатыр.
Еске сала кетелік, Қазақстанда сыйланған сыйлықтың құны 4 мың теңгеден асса, пара деп саналады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе