Павлодарда 237 км/сағ жылдамдықпен жүрген жүргізуші ұсталды
Павлодар облысында сағатына 237 км жылдамдықпен жүрген көлік жүргізушісі жауапкершілікке тартылды.
Облыстық Полиция департаментінің мәліметінше, жыл басталғалы бері 21 мыңнан астам жүргізуші белгіленген жылдамдық шегін бұзғаны үшін айыппұл алған. Күн сайын полиция қызметкерлері жол ережелерін сақтамайтын жүргізушілерді анықтап, тәртіп бұзушылардың жауапқа тартылуын қамтамасыз етеді.
«Жыл басынан бері жылдамдық режимін бұзған 21 269 жүргізуші жазаланды. Соның ішінде Қалқаман кенті маңындағы Астана–Павлодар тас жолында Land Rover Range Rover көлігі ұсталды. Ол автомагистральда рұқсат етілген жылдамдық шегінен асып, сағатына 237 км жылдамдықпен жүрген. Құқық бұзушыға айыппұл салынды», – деп хабарлады Павлодар облыстық ПД.
Полиция өкілдері жылдамдықты шектен тыс арттыру жол-көлік оқиғаларының негізгі себептерінің бірі екенін еске салып, жүргізушілерді жол ережелерін қатаң сақтауға шақырды.
Серіктестер жаңалықтары
© «365 Info», 2014–2025 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз